الرئيسية > آراء > من الغباء تستفز جمهور هو أصلا غاضب وفرقتو خاسرة وإلا مشا ليهم الشعار غادي يوليو معيورة وسط جماهير الفرق الأخرى، لذا فراه قيس كولشي وماتقيسش الشعار، وهاعلاش كنحيي جمهور الجيش الملكي
22/10/2014 10:40 آراء

من الغباء تستفز جمهور هو أصلا غاضب وفرقتو خاسرة وإلا مشا ليهم الشعار غادي يوليو معيورة وسط جماهير الفرق الأخرى، لذا فراه قيس كولشي وماتقيسش الشعار، وهاعلاش كنحيي جمهور الجيش الملكي

من الغباء تستفز جمهور هو أصلا غاضب وفرقتو خاسرة  وإلا مشا ليهم الشعار غادي يوليو معيورة وسط جماهير الفرق الأخرى، لذا فراه قيس كولشي وماتقيسش الشعار، وهاعلاش كنحيي جمهور الجيش الملكي

محمد سقراط- كود

1491001
العنف ضروري فالحياة وممتع، وأعظم الحضارات والشعوب كانت أعنفها، مكاينش شي حاجة سميتها حضارة سلمية، لأن الحرب هي أصل الحضارة والتطور، وإرادة القوة هي الدافع الحقيقي نحو السمو.
كاين واحد الجنرال ألماني سميتو فون برنهاردي، هو بالإضافة الى كونه جنرال قدير فهو عالم أحياء مقود، هاد السيد عندو واحد الكتاب، كيدوي فيه على الحرب و العنف وداكشي، وصاغ مفهوم جديد تجت إسم ” العدوان الضروري بيولوجيا ” وبين من خلاله على أن الحرب ضرورة بيولوجية ومن هنا كتستمد شرعيتها.
العنف حاضر، فالثقافات الأخرى بزاف و بإحتفالية، ماريكان مثلا، دولة متجدر العنف فالكينونة ديالها، منذ تأسيسها على جتث الهنود الحمر، الغرب الأمريكي المتوحش، راه ماريكان مكيخجلوش منو ومكيتبرئوش منو، بل تاريخ ومفخرة عند بعضهم، حتى فأشهر الرياضات عندهم هي مبنية على العنف بحال الهوكي مثلا، أو كرة القدم الأمريكية، أو الباسكيط، الملاكمة، فنون الحرب المختلطة، هاد الرياضات لي كتطلب أجسام أولمبية وكتمارس بقوة، ولي كيفرغ فيها الواحد الشحنات ديال الغضب لي متراكمة فنفسو، لا من خلال ممارستها أو من خلال مشاهدتها وتشجيعها، حب هاداك الشعب للسلاح وأرادته للقوة، هي لي خلاتو متصالح مع راسو ومن أعظم الشعوب فالأرض حاليا

 

حالمصارعة الحرة كمثال، رياضة ترفيه للأطفال والبالغين، وكولشي كيدخل يحضر ليها، وهي مبنية على إحتفالية العنف والدم والأجساد العارية الضخمة كتخبط فبعضياتها، أو رياضة فنون القتال المتخلطة، أو ما يسمى عندنا بالتخامج، رياضة عنيفة بزاف لكنها شعبية وولات كتحرك السوق وعندها جمهورها و أبطالها وكتدخل الزبابل ديال لفلوس.

 

 

حنا معندناش هادشي، حياتنا بئيسة، العنف عندنا شخصي بزاف وعاطفي، ومافيهش الندية، كيبدى من ضرب الأب مرورا بضرب المعلم ونتا غادي حتى كتوصل لضرب البوليس أو لمخازنية، العنف عندنا طبقي، ومافيهش ريحة الإحتفالية وماشي راقي لدرجة أنه تدارليه قوانين كتنظمو، العنف عندنا سلطوي عبارة عن حكرة لا غير، وهادشي لي كيقول روبيرت ماكافي براون،” أي سلوك شخصي ومؤسساتي يتسم بطابع تدميري مادي واضح ضد الآخر يعد عملا عنيفا، هناك العنف الشخصي الخفي، الذي يؤذي الآخر نفسيا، وهناك العنف المؤسساتي الخفي، حيث تنتهك البنى الإجتماعية هوية مجموعات الأشخاص، كما يحصل على سبيل المثال، في مستويات الحياة المتدنية في الأحياء الفقيرة”

 

 

في ظل غياب فين يخرجو الدراري مكبوتاتهم البيولوجية الذكورية، كيبقى التيران هو المكان الواحد و الأوحد، لي يمكن للواحد يفجر شحنة الغضب لي فيه، أو غادي يشرب 1715 فحومتهم ويجيب المونتيف، راه مكاين ماوالو فالأحياء الشعبية، لا تيرانات لا قاعات رياضات لا أيتها حاجة فين يتجلى بنادم ويضيع الوقت، لي كيدير شي رياضة كيديرها بمجهود فردي و فظروف غير ملائمة بتاتا، آش بغيتو من هاد الدراري يتفركعو، وراهم داروها، فبحال هاد الظروف كيولي الواحد عرضة لأي دعوة للممارسة العنف سواء تحت غطاء ديني ( الإرهاب وداعش) سواء تحت غطاء إجرامي( السرقة والكريساج والإجرام بصفة عامة)، وراه بزاف ديال الدراري كانو عاطيينها غي الجوانات فالحومة حتى صبحو مع داعش(منهم ولد خالتي)، واش مشاو زعمة حيث وقف عليهم أبو بكر البغدادي فالمنام أو جاتهم البشارة، راه مشاو حيث كيعيشو الملل وقلة مايدار، وحياتهم عقيمة لا معنى لها ناقصها الأكشن، مشاو بحثا عن المغامرة وباش يكتاشفوا ذواتهم أكثر.
هادشي ربما مكيتافقوش معاه العديد من النعيجات الحياة الحديثة لي تخلقوا بإسم المدنية، عبيد الإدارات والمكاتب والعمل والروتين، الوسطيون المسالمون، العائشون في الظل، السائرون جنب الحيط، المدجنون، المتحضرون تحضر الخصي في المدينة المحرمة في بكين، المعتدلون، المرهفوا الأحاسيس، الخوافون، العنيبات، من يتوهمون أنهم صالحون فقط لأنهم طائعون خاضعون، فاقدوا الأدرينالين، فقيرو التستستيرون، المتضامنون مع غزة، المستنكرون لإنتصارات داعش وتفوقها، منقذو الدلافين، هؤلاء من ينعتون جمهور الجيش الملكي بالهمج والرعاع، حسيرو  النظر هؤلاء، أدانوا وأستنكروا كعادتهم من وراء حواسيبهم أو من فوقها، وعبروا عن مقتهم وامتعاضهم، من انتصار جمهور الجيش لكرامته، وبطولته أمام غباء المخازنية.
حقا أن التوتر والضغط النفسي كيسبب فالعدوانية والعصبية والتسرع، وظروف عمل ديال القوات المساعدة في مواجهة تلك الحشود حنا مقدرينها، ولكن لجوئهم للعنف فالبداية (كما يظهر فالفيديو) كان مبالغ فيه، ونتائجه وخيمة، راه تجمع بشري قابل للإنفجار فأي لحظة، ونتا بارك كتشعل اللوقيد وتلوح عليه، هادشي لي سبب داك رد الفعل الطبيعي و العادي جدا من قبل بعض جماهير الجيش، راه كما يظهر فالفيديو، أن المخازنية هوما لي حيدو ليهم شعار الفرقة، وراه معروفة قيمة الشعار لدى كل مشجعي أي فرقة، راه بحال تدنيس العلم الوطني، أو حرق القرآن وسط ساحة عامة فالموصل، من الطبيعي أن يكون رد الفعل قوي وعنيف، ولكن راه مبرر، لأنه من الغباء تستفز جمهور هو أصلا غاضب وفرقتو خاسرة وسط بلادها، وإلى كان مشا ليهم الشعار، راه غادي يوليو معيورة وسط جماهير الفرق الأخرى، لذا فراه قيس كولشي وماتقيسش الشعار، وتحية لجمهور الجيش الملكي لأبان على حب كبير، لفريقة وشجاعة فالدفاع عن شعاره.

 

فيديو يوضح ما جرى

 

موضوعات أخرى

28/03/2024 21:05

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة