اسماء غربي كود=
محمد امين الصبيحي وزير الثقافة في حكومة بنكيران ما عندوش مع الفنانة بزاف. السيد حتى باش يموتو ما كيتسوقش ليهم. كيهمو غير الفنون البرجوازية بحال الفنون التشكيلية ودعم الكتب الخاصة بهم اما الفنون الاخرى فما ماديهاش فيهم.
الملك محمد السادس بعث رسالة تعزية في رحيل رائد المحلون الحاج محمد بوزوبع قبل ايام بل تكلف بمصاريف اقامة ثلاثة ايام من العزاء والوزير ما كلفش راسو حتى يتصل بالعائلة. ما شي غير هو بوحدو فنانين معروفين بحال بلخياط والدكالي ما تسوقوش لواحد كان من جيلهم، الحاجة حليمة هي اللي بوحدها جات تعزي عائلتو
